澳門美獅美高梅 15大話題!

澳門第2間MGM位處路氹一帶,與新濠天地、永利皇宮為鄰居。酒店稱為美獅美高梅,賣點有開揚的室內天幕廣場、動感劇院、超過300件藝術品、名廚餐廳等等,聽落就夠曬吸引,酒店本身都有好多賣點,即睇有乜打卡位,過年可以來一沾金運!

新MGM門外一頭金獅,用32,000張24K金箔鋪成,非常搶眼。

01

搶眼!豪氣真金獅

美高梅又點少得招牌獅子,今次呢隻獅子足有11米高,38噸重,最好意頭是用32,000張24K金箔鋪成,是全球獨傢!想睇美獅,就要來到劇院旁的美獅大堂,一齣就近距離見到萬獸之王,沾沾旺氣!

如果想影獅子全相,就要由對麵的Grand Hyatt影過去,不過就見唔到成棟33層樓高的美高梅酒店。

高科技!開揚天幕廣場

02

酒店大玩高科技,由美獅美高梅大堂入來酒店,一眼就望到開揚的視博廣場,網狀天網夠曬光猛。廣場有標榜為全球最大嘅室內永久LED螢幕,由25個小LED螢幕組成,上麵播的片有中國名山大川、節慶活動、瀕危動物、宇宙星空等等。

中庭天幕下是名店和餐廳,感覺耳目一新。

中庭的感覺有點像中環置地,名店和食肆包圍著。

整個廣場光猛有活力,比澳門半島MGM的天幕水族館感覺更新穎。

晚上的天幕廣場感覺與日間截然不同。

LED螢幕的影像震撼,影片亦配閤螢幕配置,視覺效果一流。

03

室內最大花園 絕種植物都有!

唔好以為廣場內嘅植物園係假嘢,「自然之藝」種咗超過10萬棵、逾2韆種植物,當中包括超過200種好意頭的蘭花,唔少仲係澳門同香港嘅原生品種,好有意思。呢度仲種咗多種19-20 世紀時已絕種嘅植物,係專程由香港同歐洲種子庫搵來。

廣場有室內植物牆,感覺比室外仲舒服開朗。

價值連城藝術品

04

MGM嚮來都主打富藝術氣息,美獅美高梅都一樣。 300幾件的藝術品中,有40幾件係何超瓊女士同主席馬仁傑親自挑選的「主席典藏」,包括清朝名貴古董,同當代澳門藝術傢作品。

主大堂以金色吊飾為天花做點綴,接待員後呢幅搶眼度十足。

Reception後麵是中國當代藝術傢蕭芹作品,以抽象油畫結閤毛筆字手法創作。

轉到另一個大堂,以高雅淡綠色做主調,排瞭27幅清朝禦製的地氈,上麵綉有九條龍,象徵九五之尊,仲有一幅就在雍華府彆墅。

當中最矜貴就有28張清朝禦製的地氈,曾用作裝飾北京紫禁城。

可以超近距離看到清朝禦製地氈的手工。

每幅地氈旁都有QR code,用電話掃描就可睇到導賞,旁邊仲有職員樂意講解導賞。

一掃瞄QR code,用電話就可睇到導賞介紹。

另一焦點係用咗9萬粒Swarovski串成的水晶燈,造價都過50萬美金,bling bling 到暈!

大堂樓底極高,配襯巨型水晶吊燈。

大堂上方的Swarovski水晶燈造價超過百萬港元。

05

金色飄逸藝術時裝店

內地名時裝設計師郭培,曾為Rihanna設計一條金色拖尾長裙而備受注目,也設計過Angelababy+黃曉明大婚中式禮服,今次酒店內開店,位於視博廣場中央,像一件玲瓏浮凸的金色雕塑,也像揚起的金色布匹。店鋪尚未開,但走廊上已有展齣她的作品。

郭培的店尚未開,但外形像揚起的金色布匹。

好意頭!三色珠寶盒

06

外形貫徹澳門美高梅的3色長方塊設計,寓意「升級版的珠寶盒」,3種顔色代錶金、玫瑰金和銀色,夠曬好意頭。要找位置看到整排珠寶盒,暫時隻有住客纔可以走到泳池旁觀賞。

美獅美高梅珠寶盒全貌。

07

入房睇!酒店房勝在夠大

酒店房間數量都好多,閤共1,390間客房,當中有4款房,入門級嘅度假客房都有463-550平方呎。另外仲有兩款的套房,由1,500-6,000呎的獨立彆墅,跟足拉斯維加斯標準,就要遲啲先啓用。

標準的套房由936至1,011平方呎,分為客廳、睡房和浴室。

套房的浴室有雙洗手盤,仲有蒸汽浴、發熱毛巾架,浴缸亦備有電視,對比香港屋企個企缸仔,呢個浴室真係會令人流連忘返。

標準房麵積都有463平方呎。

另有雙床房種。

所有房間都走高科技路綫,以touchscreen 控製燈光、冷氣外,仲配備似足智能電話的綜閤遙控,可以直接遙控電視、開關燈、套房的窗簾開閂等等。顔色就用上酒店招牌的玫瑰金,感覺高雅舒服。

床頭的綜閤遙控panel亦可接駁iPhone播音樂,又設計成首飾箱般,方便女士放小物。

房間拖鞋兩隻色,絲絨料軟綿綿,唔係薄身紙拖鞋。

睡袍就有點平實,質料都麻麻舒服。

浴室全部都有浴缸,其中入門級度假套房就以澳門近年最常見的玻璃幕分隔;按touchscreen可落番簾,唔會見到剪影尷尬。

隻有套房的浴缸可以邊浸浴邊睇電視。

廁所的衛浴用品都是美高梅spa自傢品牌,主打有機産品,佛手柑味夠清香;最抵贊係夠大支,唔使就住用。

揀房貼士:尾數84-76 對正永利噴泉

房間全設落地玻璃,分為城市景、海景房及噴泉景,城市景就最輸蝕,望地盤,噴泉景則可以望見永利皇宮的噴泉和吊車。據記者首晚入住經驗,房號尾數84-76 好啲,其中76 號再近正麵一啲,景觀正,住到高層的話,可以高角度睇噴泉唔使同人迫,房內都聽到輕微噴泉聲同音樂聲。

如果可以要求高層望永利皇宮的房,就可以看到音樂噴泉。

4大名廚坐鎮 話題多多

08

酒店總共有9間餐廳,其中有4位名廚,有2位仲係首次在亞洲開店。最注目就有津村光晴開設的澳門首傢日式秘魯菜,以及新加坡甜品女王Janice Wong 的甜品店。

日式秘魯菜「雅吉」是間半開放式的餐廳。

餐廳由世界各地運來新鮮海鮮,魚類多采用野生貨;像秘魯菜最招牌的魚生Cheviche,就每次來都可能用上不同時令鮮貨,充滿驚喜。

雪櫃有當日新鮮到貨的魚。

海鮮是日式秘魯菜的常見菜式。

09

超親民Janice Wong甜品店

另一注目餐廳,有來自新加坡的甜點女廚Janice Wong MGM。她曾多次被選為「亞洲最佳甜品師」,總店除新加坡外,隻曾在外地開pop-up。今次是首次在新加坡以外開設長期店,有全球最高之一的硃古力噴泉。

新加坡甜品女王Janice Wong在香港隻有甜品吧,沒有boutique,原來留在澳門纔開!

呢座硃古力噴泉有7.3米高,3色硃古力係咁流,又靚又引到人流口水,見到啲小朋友真係唔捨得走!

7.3米高的硃古力噴泉源源不絕流齣硃古力漿。

店內有硃古力、餅乾等禮盒外,仲有雪糕、pancake 等甜品。甜品櫃有馬卡龍、閃電泡芙、瑪德琳蛋糕等等。雪糕口味獨特,像香茅香米、斑蘭椰糖開心果、茉莉花綠茶,充滿南洋風味。

酒店一開門,Janice Wong間店已迫爆人,雪糕受歡迎外,都有餅乾、茶葉等手信,好味又得體。

最有趣是似足顔料的硃古力,不同顔色代錶不同口味,像熱情果、士多啤梨、薄荷等等。客人還可買埋畫筆,返屋企學Janice Wong畫硃古力創作。

抵食! 海鮮自助餐

10

餐廳「濤岸」走加州風味,除咗是住客食早餐的餐廳,午餐都有任食薄餅及意粉套餐,頭盤甜品、咖啡或茶外,仲有8款pizzas、意粉任食。

「濤岸」餐廳首日開幕已有不少客人幫襯。

而晚市更有自助海鮮吧,可任食龍蝦、即開生蠔、長腳蟹、翡翠螺、青口,其他熱食就要另點。不過生蠔大隻新鮮,食半打蠔再食龍蝦都輕易迴本有凸!

自助海鮮吧選擇豐富。

扒房盛焰,入麵特設喜馬拉雅山鹽的風乾房,所有牛扒都會至少熟成20日。除扒房外,另外仲有14個座位的鐵闆燒吧颱。

11

超高清螢幕 動感劇院

呢個可容納2韆人的美高梅劇院,劇院內的900平方米4K超高清螢幕,足足3個網球場大,又係全球最大,隻係睇下簡單投影都覺得幾震撼;劇院仲可變身舞池或電競比賽場地。

酒店方麵公布暫時會有3個駐場錶演,其中《炫》就以交響樂、舞蹈等,在10分鍾內帶觀眾穿梭古今。另一套《追夢》就以電視遊戲節目和電子遊戲做靈感,創造齣像真度極高的互動戲劇。

劇院可變身舞池或電競比賽場地。

珠寶盒外 露天泳池

12

泳池位就唔算大,水深由0.3-1.2米。位置剛好被新濠大堆酒店包圍,都有椰林樹影同好多躺椅曬太陽,另外仲有4個按摩池,勝在望到美高梅個珠寶盒設計。

泳池唔大,水深較淺隻適閤戲水,亦不及舊MGM的無敵海景。

不過就有大量曬大陽位搭夠。

仲有多個按摩池位置。

13

住客免費上堂 闊落健身室

超大片落地玻璃, 極高的天花,令到健身室的采光好,外麵風景都有綠草地。酒店住客可免費參加多款的健身班。

健身室的闊落程度令人驚訝!

澳門居民可以申請會籍,平日都可以來享用呀!

中式泰式水療

14

水療中心就當然唔少得,treatment 由泰式草藥,到中式推拿都有;另外都有hair salon 和美甲!

水療中心TRIA是自傢品牌,走木材色係調子。

15

發財巴接駁澳門市中心

酒店總共有5條免費接駁巴士綫,分彆由關閘、澳門港澳碼頭、氹仔客運碼頭和機場接駁酒店外,還有連接市中心英皇酒店的路綫,以及路氹專綫。

Be the first to comment

Leave a Reply

Your email address will not be published.


*